Dossieren

D'Digitaliséierung vun den ëffentlechen Déngschter ass eng Erausfuerderung, där Lëtzebuerg sech zënter e puer Joer stellt. An dësem Kontext stäipen sech ëffentlech Organismen ëmmer méi op den Internet fir eng breet Palette vun essentiellen Déngschter fir eis Gesellschaft ze liwweren.

De lëtzebuergesche Protokoll gesäit dräi Forme vu Visitte vir: Staatsvisitten, offiziell Visitten an Aarbechtsvisitten. Dësen Dossier stellt déi ënnerschiddlech Zorte vu Visitte vir, beschreift d’Modalitéite vum Oflaf a gëtt en Iwwerbléck iwwer d’Visitte vun de leschte Joren.

D'Open Data-Strategie vun der Regierung ziilt drop hin, fir ëffentlech Daten allgemeng zougänglech ze maachen an esou Eenzelpersounen, Entreprisen a Medien d'Méiglechkeet ze ginn, dës Date fir nëtzlech Zwecker ze verwäerten, ze kombinéieren oder ze deelen. D’Zil ass d’Schafe vun enger sozialer, wirtschaftlecher oder ekologescher Plus-value an d’Optimiséierung vun den ëffentleche Leeschtungen.

D’Chamberwalen am Groussherzogtum Lëtzebuerg hunn den 20. Oktober 2013 stattfonnt. Den 29. Oktober koumen d'Delegatioune vun der LSAP, der DP a vun déi gréng ënnert dem Virsëtz vum Formateur Xavier Bettel zesummen, fir mat de Koalitiounsverhandlungen am Hibléck op d’Bildung vun der neier Regierung unzefänken. Den 29. November hunn déi 3 Parteien de Koalitiounsaccord ënnerschriwwen.