De SIP

Den Informatiouns- a Pressedéngscht (SIP), gegrënnt am Joer 1944 ënnert dem Numm Informatiounsoffice, ass d'Administratioun zoustänneg fir d'Kommunikatioun vun der Lëtzebuerger Regierung. En ass um Staatsministère ugeschloss a steet ënnert der direkter Autoritéit vum Premierminister.

Attributiounen

D'Gesetz vum 6. Januar 2018 bestëmmt d'Missioune vum SIP:

a) Sécherstellung vun der Informatioun fir d'Press, d'Medien, d'Ëffentlechkeet an d'Secteuren, déi sech fir d'Aktivitéite vum Staat interesséieren;
b) Bestëmmung an Duerchféierung vun der Kommunikatiounsstrategie vun der Regierung betreffend den Internet an déi sozial Netzwierker;
c) d'Regierung z'informéieren iwwert d'Aktualitéitsthemen, déi d'Press an d'Medie behandelen;
d) Ënnerstëtzung vun der Regierung an den Administratioune bei hiren Efforten, de Grand-Duché am Ausland méi bekannt ze maachen a säin image de marque op den nationalen an internationalen Niveaue ze kultivéieren;
e) Publikatioun an Diffusioun vun all Zorte vun Dokumenter an Informatiounen;
f) Bestëmmung an Duerchféierung vun enger Strategie fir d'Promotioun vun den oppenen Donnéeën a fir den Zougang zu den Informatiounen;
g) Organisatioun vu Presskonferenzen an aner Manifestatiounen;
h) Empfang vun den auslännesche Journalisten an offizielle Visiteuren;
i) Vereinfachung vun der Aarbecht vun de Journalisten a Medievertrieder.